Innri vefur

Hvað er innri vefur

Með innri vef er átt við síður eða tengla á vefsíðu sem aðeins er opin þeim sem til þess hafa heimild. Þannig er hægt að skipta vefsíðu upp í ytri vef og innri vef þar sem ytri vefurinn er sá hluti sem allir sjá en innri vefurinn fjallar um málefni sem aðeins tengjast félögum eða starfsfólki. Sem dæmi má nefna að atburðadagatal getur verið bundið við félagsmenn eingöngu. Á því dagatali er hægt að hafa margs konar viðburði, fundi, uppákomur, skemmtanir og fl. sem aðeins félagsmenn og starfsfólk hefur aðgang að.

Þægilegt stjórntæki

Einnig er hægt að nota innri vef til þess að skilgreina aðgang að gagnasöfnum, vinnuplöggum, sameiginlegum myndum og margs konar upplýsingum. Til viðbótar er hægt að flokka innri vefi niður í svæði þar sem ákveðinn hópur hefur aðgang að tilteknum umræðuefnum á spjallþráðum eða bloggi, þar sem annar hópur hefur aðgang að ákveðnum gögnum o.s.frv. Með aðgangsstjórnun Drupal er í raun hægt að setja upp vef sem sníðir ásjónu sína að notandanum.

Hugmyndabanki á vinnustað

Með því að stilla spjallþræði og aðgangskerfi saman er hægt að setja upp lokaðar umræður á vinnustað þar sem viðfangsefnið er þróun hugmynda. Með þessum hætti er hægt að fá starfsfólk til að taka í og móta hugmyndir að nýrri sókn, nýjum markaði, nýjum vinnuaðferðum eða nýjum leiðum í starfsmannahaldi. Samtvinnun innri vefja og aðgangsstillinga eru engin takmörk sett. Allt frá minni háttar tilkynningum yfir í umfangsmikla umræðu um nýja uppbyggingu.